ليه تشترى اون لاين ؟

أكيد فيه وقت كتير بيضيع منك في اللف على المحلات عشان توصل للي عايز تشتريه طب ليه تضيع وقتك لما ممكن توفر على نفسك كل التعب دا وتشتري اونلاين من على الإنترنت نفس المنتجات ونفس الجودة وتستفاد من العروض والخصومات الموجودة وتشوف اراء الناس فى المنتج الى عايزه قبل ماتشتريه .
طيب هل فعلا الشرا اونلاين أفضل من الشراء العادي اللي هو اللف عالمحلات!!
الإنترنت سهل حياتنا بشكل كبير جدا والسهولة دي شملت كل حاجة لحد ما وصلت لعمليات البيع والشراء طب ليه الشراء أونلاين أفضل؟

1- بتوفر على نفس تعب مشوار وتعب يوم كامل ممكن يضيع عشان تطلع بتيشرت مناسب ليك، أحيانا كمان ممكن تلف يوم كامل على محلات مختلفة في أماكن بعيد عن بعض وفي الأخر متلاقيش الحاجة اللي كنت رايح عشان تشتريها ودا كفيل لوحده يخليك تكره الشوبينج وسنينه.

‏2- المواصلات غليت وكل حاجة غليت فليه تروح في يوم تصرف فلوس كتير عالمواصلات غير اللي هتصرفه في الشوبينج نفسه دا غير إنك لو رايح بعربيك فالبنزين غلي.

‏3- احنا في عصر السرعة وكل حاجة دلوقتي بتتم بضغطة زر بس ممكن وأنت في أي مكان في العالم تعمل ديل أو تحول فلوس لحد في مكان بعيد عنك حتى لو في القطب الشمالي يا سيدي، نفس الفكرة هنا في الشرا اختار اللي أنت عايزه وبضغطة زر واحدة تكون اشتريت كل حاجة

‏4- دلوقتي كل مواقع التسوق الإلكترونية تقدر لو معجبتكش حاجة ترجعها ولو فيها مشكلة هيردوا على طول وهيحاولوا يصلحوا المشكلة بأقصى سرعة

5- سبب مهم لكل الناس هو إنك تقدر تشتري كل حاجة أنت محتاجها سواء لبس هدوم أكل أجهزة كهربية إلكترونيات منتجات عناية شخصية حتى الميكب ودي ميزة مهمة جدًا للناس اللي معندهاش وقت كتير للشوبينج أو مش بيخرجوا كتير من البيت.

6-هتستفاد من التقييم بتاع الناس على المنتجات الموجودة وتعرف راى الناس الى اشتروها قبلك وعلى راى المثل اسال مجرب ولا تسال طبيب

7-هتقدر تختار المنتج المناسب ليك تماما وده لان كل المنتجات الموجودة فى المحلات هتلاقيها كلها على الموقع وده طبعا هيوفر عليك اللف الكتير علشان تجيب الحاجه المناسبه ليك وكله وانت قاعد مكانك

المرة الجاية قبل ما تفكر تنزل عشان تشتري حاجة ليك وتضيع مجهود وفلوس فكر إنك ممكن توفر كل دا لما تعمل أونلاين شوبينج