سامسونج ولا آيفون ولا سوني ولا ايه؟ مش عارف تختار تليفونك إزاي وخايف تختار تليفون وتتطلع إمكانياته مش اد كده، بص بقى يا معلم احنا وفرنا عليك كل دا وهنديلك الخلاصة في إنك إزاي تختار التليفون ودي مش مجرد نصايح ليك دي تشمل أي حد يسألك يختار تليفون على أساس ايه
سامسونج ولا آيفون ولا سوني ولا ايه؟ مش عارف تختار تليفونك إزاي وخايف تختار تليفون وتتطلع إمكانياته مش اد كده، بص بقى يا معلم احنا وفرنا عليك كل دا وهنديلك الخلاصة في إنك إزاي تختار التليفون ودي مش مجرد نصايح ليك دي تشمل أي حد يسألك يختار تليفون على أساس ايهخلينا ناخدهم واحدة واحدة كده:
1- البطارية دي من أهم الحاجات اللي لازم تركز عليها وأنت بتقرر تختار نوع تليفون معين خصوصا إننا بتعاني لما التليفون يفصل شحن لإنه ممكن يبقى موجود معانا طول اليوم سواء شغل أو جامعة وبنحتاجه في مهام كتير و البطارية مش هى بس الى تقول الموبايل هيكمل معاك اليوم من غير مايفصل منك ولا لا حاجات تانية كتير مرتبطه مع البطارية هى الى بتاثر لكن فى العموم كل ماكانت سعة البطارية اكبر من 3500 مللى امبير كل ما كان افضل.
2- المعالج والذاكرة اللي هما البروسيسور والرام ركز على إن تليفونك يكون المعالج بتاعه قوي لإن دا هيساعد تليفونك ميهنجش ويساعدك تشغل ألعاب عليه خصوصا لو أنت أصلا جيمر وبتحب تلعب كتير، فحاول دايما يكون موبايلك المعالج بتاعه يكون اوكتا كور ثمانى النواه والتردد يكون 2 جيجا هرتز او اكتر ويفضل لو كان نوعه سناب دراجون مش ميديا تك اما الرام فلازم تكون عالية مثلا 3 جيجا بايت او اكتر عشان يكون في إمكانية تشغيل كذا تطبيق لإنهم بيكونوا في وضع الانتظار في الشاشة الخلفية
3- الكاميرا دا بقى عامل مهم أوي لإن كلنا بنحب نتصور ونوثق لحظات معينة أو أماكن معينة، وهيبقى عامل أهم بقى لو ليك في جو التليفون فوتوغرافي وخلينا نوضح إن في خطأ شائع بين الناس إن كل ما زاد عدد الميجا بكسل للكاميرا كل ما زادت جودتها لكن الحقيقة الكاميرا الكويسة لا تقاس بعدد الميجا بكسلز اللي يخلي كاميرا التليفون كويسة هو سينسور التصوير هو المسؤل بشكل رئيسي عن جودة الصور وأفضل سينسور كاميرا هو RGBW
4- لو استخدامك للتليفون هيكون بغرض المذاكرة أو حتى الشغل بشكل أساسي وما شابه هنصحك تركز على الشاشة وإن زوايا الرؤية فيها تكون كويسة عشان تقدر تعرض الملفات اللي فاتحها على الموبايل، لو بتسلي وقتك في المواصلات أو في الشارع بالأغاني أو بتحب تسمع الكتب الصوتية أو حتى من محبين سماع الراديو، يبقى تركز على موبايل سماعاته قوية عشان تأدي الغرض معاك وتبقى مرتاح.
5- حاجة مهمة برضو لازم تتاخد في عين الاعتبار وهي الخامة اللي تم تصنيع التليفون منها وفي بعض التليفونات خامتها بلاستيك وفي البعض خامته معدن ايه الأفضل؟ الأفضل هو المعدن بلا شك لإن عمره طويل البلاستيك ممكن يبوظ لسبب ما.
دلوقتي بقى معاك الخلاصة أو الزتونة في الموضوع لو عندك أي نصايح تاني هنحب إنك تشاركها معانا
